Yangilangan sana: 2013-05-05 Ko`rilgan: 1063

AKTni baholashning xalqaro mezonlari

      Poytaxtimizda 3-may kuni AKTni baholashning xalqaro mezonlarini O‘zbekistonda tatbiq etishga bag‘ishlangan davra suhbati bo‘lib o‘tdi.

      Tadbir O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi, O‘zbekiston Respublikasi Vazirlar Mahkamasi va BMT Taraqqiyot dasturining “Mahalliy boshqaruv tizimini qo‘llab-quvvatlash: fuqarolik ishtiroki va hamkorlik” qo‘shma loyihasi tomonidan tashkil etildi. Anjumanda mamlakatimizning qator vazirlik va idoralari, xalqaro tashkilotlar vakillari, soha mutaxassislari, ekspertlar va olimlar ishtirok etdi.

      O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasining raisi X.Mirzohidov va boshqalar O‘zbekistonda barcha sohaga axborot-kommunikatsiya texnologiyalarini faol joriy etish, xususan, aholi va yuridik shaxslarga davlat hokimiyati organlari veb-saytlari hamda hukumat portali orqali interfaol xizmatlar ko‘rsatish samarasida elektron hukumat tizimini shakllantirish borasida izchil islohotlar amalga oshirilayotganini alohida ta’kidladi.

      Prezidentimiz Islom Karimov 2012-yilda mamlakatimizni ijtimoiy-iqtisodiy rivojlantirish yakunlari hamda 2013-yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan Vazirlar Mahkamasining majlisida axborot-kommunikatsiya va telekommunikatsiya texnologiyalari sohasida istiqboldagi vazifalarni belgilar ekan, “Elektron hukumat” tizimini, shu jumladan, boshqaruv jarayonlari, shuningdek, biznes sohasiga va fuqarolarga davlat xizmatlari ko‘rsatish tizimini shakllantirish konsepsiyasi va kompleks dasturini ishlab chiqishni jadallashtirishga, axborot tizimlarining idoralararo va idoraviy komplekslarni integratsiya qiladigan milliy tizimini yaratishga alohida e’tibor qaratish lozimligini ta’kidladi. Ushbu chora-tadbirlarning amalga oshirilishi nafaqat davlat tuzilmalarini boshqarish, balki davlat va aholi o‘rtasida o‘zaro hamkorlikka ko‘maklashgan holda ish jarayonlarini samarali rivojlantirish, fuqarolarga internet tarmog‘i orqali interfaol davlat xizmatlaridan yanada qulay foydalanish imkonini beradi.

      O‘zbekistonda axborot-kommunikatsiya texnologiyalari aholi va yuridik shaxslarga interfaol davlat xizmatlarini ko‘rsatish uchun maqsadli tarzda keng tatbiq etilmoqda. “Elektron hukumat”ning samarali jihatlari sifatida turli sohalarda yigirmadan ortiq loyiha amalga oshirildi. Hozir davlat organlarining veb-sahifalari va O‘zbekiston Respublikasining www.gov.uz hukumat portali yordamida to‘rt yuzdan ziyod interfaol davlat xizmatlari ko‘rsatilmoqda.

      “Elektron hukumat” tizimining joriy etilishi natijasida turli idoralarga borish va davlat xizmatchilari bilan bevosita muloqot qilish zarurligini istisno etadigan tranzaksiya xizmatlariga to‘liq o‘tish ko‘zda tutilmoqda. Bu esa aholiga qo‘shimcha qulayliklar yaratishni yanada yaxshilashga xizmat qiladi.

      Ta’kidlash lozimki, “elektron hukumat” rivojlanish darajasini baholashning BMTga oid reytingi ikki yilda bir marta dunyo mamlakatlarida ma’muriy va iqtisodiy masalalarni yechishda AKTni qo‘llash darajasini baholash va davlat xizmatlarini ko‘rsatishda zamonaviy texnologiyalarni o‘zlashtirish bo‘yicha tadqiqot o‘tkazadi.

      – “Elektron hukumat” tizimini rivojlantirish davlat boshqaruv hokimiyati organlari tomonidan aholiga ko‘rsatilayotgan xizmatlar sifatini yanada yaxshilashga xizmat qiladi, – dedi BMT Taraqqiyot dasturining O‘zbekistondagi doimiy vakili Stefan Prisner. – O‘zbekistonda davlat organlari faoliyatida axborot-kommunikatsiya texnologiyalaridan samarali foydalanishni rivojlantirish, elektron raqamli imzo va elektron hujjat aylanishi tizimidan foydalanish borasida amalga oshirilayotgan islohotlar o‘zining yuksak samaralarini berayotir. Bu sa’y-harakatlar O‘zbekistonda aholi va davlat boshqaruvi organlari hamkorligini rivojlantirishda muhim omil bo‘lmoqda.

      BMTning “elektron hukumat” taraqqiyoti holati to‘g‘risidagi hisobotida O‘zbekistonda “elektron hukumat” jihatlarini tatbiq qilish borasidagi islohotlar yuksak sur’atlar bilan amalga oshirilayotgani, xususan, bu borada huquqiy asoslar yanada rivojlantirilayotgani va hukumat portali takomillashtirilayotgani alohida ta’kidlangan. Mazkur bosqichda ijobiy xalqaro tajribani hisobga olgan holda, “elektron hukumat” tizimi taraqqiyotini baholash mezonlarini qo‘llash dolzarb masala hisoblanadi.

      Davra suhbatida O‘zbekistonda AKTni baholashning xalqaro mezonlarini tatbiq etish, xususan, davlat organlari faoliyatida axborot-kommunikatsiya texnologiyalaridan samarali foydalanish asoslari, elektron raqamli imzo va elektron hujjat aylanishi tizimidan foydalanishni yanada kengaytirish masalalari muhokama etildi.

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

AKTni baholashning xalqaro mezonlari O‘qituvchi NMIU umumta'lim maktablari, oliy o'quv yurtlari, akademik litsey va kasb-hunar kollejlari uchun original, tarjima darsliklar, o'quv qo'llanmalar, shuningdek, o'qituvchilar uchun metodik qo'llanmalar nashr et

Yangiliklarni o‘qishni tavsiya etamiz

Ijod erkinligi va mas’uliyat mushtarak

      “Turkiston” saroyida jurnalistika sohasida “Oltin qalam” VIII Milliy mukofoti uchun xalqaro tanlov g‘oliblari va sovrindorlarini taqdirlashga bag‘ishlangan tantanali marosim bo‘lib o‘tdi. 3-may – Jahon matbuoti erkinligi kuniga bag‘ishlab o‘tkazilgan ushbu tadbirda senatorlar, deputatlar, turli vazirlik va idoralar, xorijiy davlatlar elchixonalari va xalqaro tashkilotlarning mamlakatimizdagi vakolatxonalari vakillari, faxriy jurnalistlar, professor-o‘qituvchilar va talabalar ishtirok etdi.

Tinchlik va osoyishtalik – barcha yutuq va marralarimizning asosidir

Prezidentimiz Islom Karimov tashabbusi bilan 9-may – Xotira va qadrlash kuni mamlakatimizda umumxalq bayrami sifatida keng nishonlanmoqda

Mashhur yangiliklar

Войти / Регистрация
Закладки
Корзина покупок
Оформление заказа
Интернет-магазин книги в Ташкенте