Yangilangan sana: 2013-04-05 Ko`rilgan: 1105

Oqsaroyda qabul

      O‘zbekiston Respublikasi Prezidenti Islom Karimov 5-aprel kuni Oqsaroyda MDH Tashqi ishlar vazirlari kengashining navbatdagi majlisida qatnashish uchun mamlakatimizga kelgan Rossiya Federatsiyasi tashqi ishlar vaziri Sergey Lavrovni qabul qildi.

      Davlatimiz rahbari mehmonni yurtimizga tashrifi bilan qutlar ekan, O‘zbekiston tomoni mamlakatlarimiz o‘rtasidagi strategik hamkorlik va ittifoqchilik munosabatlarining bugungi darajasini yuksak qadrlashini ta’kidladi. Bu turli sohalarda o‘zaro manfaatli va teng huquqli hamkorlik uchun mavjud katta salohiyatni izchil amalga oshirish imkonini bermoqda.

      Sergey Lavrov davlatimiz rahbariga Prezident Vladimir Putinning do‘stona tilaklarini izhor qilib, Rossiya rahbariyati mamlakatlarimiz va xalqlarimizning uzoq muddatli manfaatlariga mos keng ko‘lamli hamkorlikni yanada rivojlantirish maqsadida O‘zbekiston bilan mavjud muloqotlarni qo‘llab-quvvatlash va izchil davom ettirishdan manfaatdor ekanini ta’kidladi.

      Suhbat chog‘ida tomonlar O‘zbekiston bilan Rossiya o‘rtasidagi siyosiy, savdo-iqtisodiy, madaniy-gumanitar sohalardagi hamkorlikning muhim masalalari yuzasidan fikr almashdilar.

      Tomonlar 2012-yilning iyun oyida Toshkent shahrida ikki davlat rahbarlari imzolagan Strategik sheriklikni chuqurlashtirish to‘g‘risidagi deklaratsiyada bayon etilgan kelishuvlarga qat’iy amal qilishi ta’kidlandi. Ushbu hujjatda o‘zaro hamkorlikni rivojlantirishning istiqboldagi ustuvor yo‘nalishlari belgilab berilgan.

      Uchrashuvda Mustaqil Davlatlar Hamdo‘stligi doirasidagi hamkorlik masalalari ham muhokama qilindi. O‘zbekistonda MDHga ushbu tashkilotga a’zo davlatlar o‘rtasidagi ko‘p tomonlama hamkorlikning keng ko‘lamli muhim masalalari yuzasidan ochiqlik va o‘zaro ishonch ruhida fikr almashuv uchun noyob platforma sifatida qaraladi. Shu ma’noda Toshkent shahrida Hamdo‘stlikning eng muhim institutlaridan biri – Tashqi ishlar vazirlari kengashi majlisining muvaffaqiyatli o‘tkazilishi keng ko‘lamli aloqalarni izchil rivojlantirishda muhim ahamiyat kasb etadi.

      Tomonlar O‘zbekiston va Rossiya manfaatlariga doir mintaqaviy va xalqaro ahamiyatga molik boshqa masalalarni ham ko‘rib chiqdilar.

(UzA)

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

Oqsaroyda qabul

Yangiliklarni o‘qishni tavsiya etamiz

"Obod turmush yili" 2013

O‘zbekiston mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoat fondi direktori A.Abdullayev, Fuqarolik jamiyati shakllanishini monitoring qilish mustaqil instituti direktori o‘rinbosari A.Hamdamov, sog‘liqni saqlash vazirining birinchi o‘rinbosari A.Xudoyorov, O‘zbekiston Xotin-qizlar qo‘mitasi raisi o‘rinbosari O.Parpiboyeva, Inson huquqlari bo‘yicha O‘zbekiston Respublikasi Milliy markazi direktori A.Saidov, Jurnalistlar ijodiy uyushmasi raisi Sh.G‘ulomov va boshqalar Prezidentimiz Islom Karimov rahnamoligida ishlab chiqilgan "Obod turmush yili" Davlat dasturi Vatanimizni har tomonlama obod qilish, xalqimiz turmush darajasini yanada yuksaltirishga xizmat qilayotganini ta’kidladi. 2013..

O‘zbekiston Prezidenti Rossiyaga jo‘nab ketdi

      O‘zbekiston Respublikasi Prezidenti Islom Karimov Rossiya Federatsiyasi Prezidenti Vladimir Putinning taklifiga binoan 2013-yil 14-aprel kuni rasmiy tashrif bilan Rossiyaga jo‘nab ketdi.

      Tashrif asnosida O‘zbekiston va Rossiya davlat rahbarlari mamlakatlarimiz o‘rtasidagi hamkorlikni yanada rivojlantirish masalalarini muhokama qiladilar, tomonlarni qiziqtirgan mintaqaviy va xalqaro ahamiyatga molik dolzarb muammolar yuzasidan fikr almashadilar.

Mashhur yangiliklar

Войти / Регистрация
Закладки
Корзина покупок
Оформление заказа
Интернет-магазин книги в Ташкенте