Yangilangan sana: 2013-01-05 Ko`rilgan: 1553

Obod turmush yili

      «O‘zbekiston» xalqaro anjumanlar saroyida 7 dekabr kuni O‘zbekiston Respublikasi Konstitutsiyasi qabul qilingan kunning yigirma yilligiga bag‘ishlangan tantanali yig‘ilish bo‘lib o‘tdi. Unda davlat va jamoat arboblari, fan, madaniyat va san’at namoyandalari, poytaxt jamoatchiligi, mamlakatimizda faoliyat ko‘rsatayotgan xorijiy davlatlarning elchixonalari va xalqaro tashkilotlar vakolatxonalari vakillari ishtirok etdi.

      Yig‘ilishni Toshkent shahar hokimi R.Usmonov ochdi.

      O‘zbekiston Respublikasi Davlat madhiyasi yangraydi.

      O‘zbekiston Respublikasi Prezidenti Islom Karimov tantanali yig‘ilishda ma’ruza qildi. Davlatimiz rahbari mamlakatimizning mustaqil taraqqiyot yillarida erishgan barcha-barcha yutuq va marralari, uning ulkan sur’atlar bilan o‘sishi avvalo Konstitutsiyamizning hayotbaxsh qudrati va salohiyatini, unda mujassam bo‘lgan prinsiplar, qoida va normalarning naqadar chuqur o‘ylangani, har tomonlama mustahkam asosga ega ekanini yaqqol namoyon etishini alohida ta’kidladi.

      Shu kunlarda xalqimiz Konstitutsiyamiz qabul qilinganining 20-yilligini keng nishonlamoqda. Bu ulug‘ ayyom mamlakatimiz har bir fuqarosining, bugungi va kelajak avlodlarning taqdiriga daxldor. Har bir yurtdoshimiz, butun xalqimiz hayotidagi barcha o‘zgarish va yangilanishlar, mamlakatimizning taraqqiyot va farovonlik yo‘lidan dadil rivojlanib borayotgani Asosiy qonunimizda belgilab qo‘yilgan huquqiy asoslarga qat’iy amal qilib kelayotganimizning samarasidir. O‘zbekiston Respublikasi Konstitutsiyasi bayramining yana bir muhim jihati, shu kuni xalqimiz, jamiyatimizning orzu-intilishlarini ifoda etadigan, ertangi kunimizning ravnaqiga xizmat qiladigan eng ustuvor yo‘nalishlar belgilab olinadi.

      Prezidentimiz Islom Karimov tashabbusi bilan 2012-yil Mustahkam oila yili deb e’lon qilingan edi.

      Bu borada ishlab chiqilgan Davlat dasturi asosida oila institutini yanada mustahkamlash va rivojlantirish, yosh oilalarni qo‘llab-quvvatlash, aholi farovonligini yuksaltirish, jismonan sog‘lom, ma’naviy yetuk va har tomonlama rivojlangan barkamol avlodni tarbiyalashga qaratilgan kompleks chora-tadbirlar amalga oshirildi.

      Barchamizga yaxshi ayonki, har qaysi inson, millati, tili va dinidan qat’i nazar, bu dunyoga baxtli yashash uchun keladi, deb ta’kidladi davlatimiz rahbari. Bunday yuksak orzuga yetishning sharti va garovi bo‘lgan omillar ko‘p. Lekin ular orasida hayotimizga ma’no-mazmun beradigan, uni yanada yorug‘ va fayzli qiladigan bir omil borki, u ham bo‘lsa, odamning o‘z uyi, o‘z yurtini har tomonlama go‘zal va obod qilib, shundan o‘zi mamnun bo‘lib, rozi bo‘lib yashashida yaqqol namoyon bo‘ladi.

      Prezidentimiz Islom Karimov kirib kelayotgan yangi – 2013-yilni mamlakatimizda «Obod turmush yili» deb e’lon qilishni taklif etdi. Davlatimiz rahbarining bu taklifi yig‘ilganlar tomonidan gulduros qarsaklar bilan qo‘llab-quvvatlandi.

      Tantanali marosim san’at ustalari va yosh ijrochilarning bayram konserti bilan yakunlandi.

(UzA)

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

Obod turmush yili

Yangiliklarni o‘qishni tavsiya etamiz

O‘zbekiston xalqiga Yangi yil tabrigi

      Aziz yurtdoshlarim!

      Qadrli do‘stlar!

      Yangi yilga sanoqli daqiqalar qolgan mana shu shukuhli damlarda yurtimizga qutlug‘ qadamlar bilan kirib kelayotgan 2013-yil bilan siz, azizlarni chin qalbimdan tabriklash, barchangizga o‘zimning chuqur hurmatimni bildirish, samimiy tilaklarimni izhor etish men uchun katta sharaf, katta baxtdir.

      O‘tgan davr mobaynida boshimizdan kechirgan, el-yurtimiz hayotida ro‘y bergan voqealarni, amalga oshirgan ishlarimizni baholar ekanmiz, o‘z poyoniga yetayotgan 2012-yilni shukronalik tuyg‘usi bilan, mamnuniyat bilan kuzatishga to‘liq asoslarimiz bor.

O‘zbekiston Respublikasi Qurolli Kuchlari tashkil etilganining 21-yilligi munosabati bilan Vatan himoyachilariga bayram tabrigi

      Hurmatli askar va serjantlar, ofitser va generallar, Qurolli Kuchlarimiz faxriylari!

      Sizlarni va barcha yurtdoshlarimizni mamlakatimiz hayotidagi qutlug‘ sana – Vatan himoyachilari kuni va Qurolli Kuchlarimiz tashkil etilganining 21-yilligi bilan chin qalbimdan samimiy muborakbod etish menga katta mamnuniyat bag‘ishlaydi.

Mashhur yangiliklar

Войти / Регистрация
Закладки
Корзина покупок
Оформление заказа
Интернет-магазин книги в Ташкенте