Yangilangan sana: 2012-12-02 Ko`rilgan: 1320

Sog‘lom oila – sog‘lom jamiyat asosi

      O‘zbekiston Xotin-qizlar qo‘mitasi tomonidan Respublika «Oila» ilmiy-amaliy markazi, O‘zbekiston Respublikasi Vazirlar Mahkamasi huzuridagi Ijtimoiy tadqiqotlar instituti, Mirzo Ulug‘bek nomidagi O‘zbekiston Milliy universiteti kabi tashkilotlar bilan hamkorlikda «Sog‘lom oila – sog‘lom jamiyat asosi» mavzuida xalqaro ilmiy-amaliy konferensiya tashkil etildi.

      Unda senatorlar, deputatlar, turli vazirlik va idoralar, jamoat va xalqaro tashkilotlar, mamlakatimizda akkreditatsiyadan o‘tgan diplomatik korpus vakillari, xorijlik olimlar va mutaxassislar, shifokorlar, mahalla va xotin-qizlar qo‘mitalari faollari, diniy ma’rifat va ma’naviy-axloqiy tarbiya masalalari bo‘yicha maslahatchilar ishtirok etdi.

      O‘zbekiston Respublikasi Oliy Majlisi Senatining Fan, ta’lim, madaniyat va sport masalalari qo‘mitasi raisi M.Xo‘jamberdiyev, Kasaba uyushmalari federatsiyasi kengashi raisi T.Norboyeva, «Sog‘lom avlod uchun» jamg‘armasi raisi S.Inomova, «Ijtimoiy fikr» jamoatchilik fikrini o‘rganish markazi direktori R.Ubaydullayeva, O‘zbekiston Xotin-qizlar qo‘mitasi raisining o‘rinbosari G.Ma’rufova, BMTning Aholishunoslik jamg‘armasi – UNFPAning O‘zbekistondagi vakili Karl Kulessa va boshqalar Prezident Islom Karimov rahnamoligida oila institutini rivojlantirish, xotin-qizlar va bolalar salomatligini mustahkamlashga ustuvor vazifa sifatida e’tibor qaratilayotganini ta’kidladi. O‘zbekiston Respublikasining Konstitutsiyasi, ko‘plab qonun va davlat dasturlari bu borada muhim huquqiy asos bo‘lib xizmat qilmoqda.

      «Mustahkam oila yili» Davlat dasturi doirasida oilalarni sog‘lomlashtirish, yosh oilalarni uy-joy bilan ta’minlash, onalar va bolalar salomatligiga e’tiborni kuchaytirish, jamiyatimizda yuksak ma’naviy muhitni qaror toptirishga oid ezgu ishlar ko‘lami tobora kengaymoqda.

      Mahalla raislarining diniy ma’rifat va ma’naviy-axloqiy tarbiya masalalari bo‘yicha maslahatchilari oilalardagi ma’naviy muhitni yanada sog‘lomlashtirish, milliy qadriyatlarimiz mohiyatini yoshlar, xotin-qizlarga to‘g‘ri tushuntirishga munosib hissa qo‘shmoqda. 14 yoshgacha bo‘lgan bolalar, qizlar va tug‘ruq yoshidagi ayollar ixtisoslashtirilgan tibbiy ko‘rikdan muntazam o‘tkazilayotgani, skrining va perinatal xizmatlarning samarali tashkil etilgani natijasida irsiy va tug‘ma kasalliklarning oldi olinmoqda.

      – O‘zbekistonda onalarni ulug‘lash, yaxshi farzand tarbiyalash milliy qadriyat darajasiga ko‘tarilganining guvohi bo‘ldim, – deydi Janubiy Koreyaning Inxa universiteti professori Yangsung Kim. – Joriy yil O‘zbekistonda Mustahkam oila yili deb e’lon qilingani, shu munosabat bilan qabul qilingan Davlat dasturi asosida oilalarning jamiyatdagi mavqeini mustahkamlash yo‘lida ulkan ishlar amalga oshirilayotgani ham buning tasdig‘idir.

      Xalqaro konferensiyada zamonaviy oila, reproduktiv salomatlik, ota-onalarning tibbiy, huquqiy, iqtisodiy madaniyatini oshirish, yoshlarni yot g‘oyalar ta’siridan himoyalash kabi masalalar muhokama etildi.

      Konferensiyada O‘zbekiston Respublikasi Bosh vazirining o‘rinbosari, Respublika xotin-qizlar qo‘mitasi raisi E.Bositxonova so‘zga chiqdi.

     

(UzA)

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

Sog‘lom oila – sog‘lom jamiyat asosi

Yangiliklarni o‘qishni tavsiya etamiz

Bayram taraddudi qizg‘in

      Yangi yil bayrami tobora yaqinlashmoqda. Yurtimizning shahar va qishloqlarida, korxona va tashkilotlarda, xonadonlarda ushbu bayramga qizg‘in hozirlik ko‘rilmoqda. Joriy yilda amalga oshirilgan ishlar sarhisob qilinib, kelgusi yil vazifalari belgilanmoqda.

      Samarqand viloyatida ham bayramni yuqori saviyada nishonlash maqsadida zarur chora-tadbirlar belgilanib, tayyorgarlik ishlari olib borilmoqda.

Yangi yil bayrami munosabati bilan dam olish kunlarini ko‘chirish to‘g‘risida

      O‘zbekiston Respublikasi Prezidentining Qarori

      Yangi yil bayrami munosabati bilan aholining dam olishi uchun qulay shart-sharoitlar yaratish maqsadida:

      2012-yil 29 dekabr shanba va 30 dekabr yakshanba dam olish kunlari mos ravishda 2012-yil 31 dekabr dushanba va 2013-yil 2 yanvar chorshanba kunlariga ko‘chirilsin;

Mashhur yangiliklar

2013-04-18 Oqsaroyda qabul

Войти / Регистрация
Закладки
Корзина покупок
Оформление заказа
Интернет-магазин книги в Ташкенте