Yangilangan sana: 2019-05-02 Ko`rilgan: 191

O`zbekiston Prezidenti Rossiya tashqi ishlar vazirini qabul qildi

O`zbekiston Respublikasi Prezidenti Shavkat Mirziyoyev 2 may kuni Markaziy Osiyoda giyohvand moddalarni nazorat qilish sohasidagi mintaqaviy hamkorlik boʻyicha o`zaro anglashuv memorandumi ishtirokchi davlatlarining 11-majlisida qatnashish doirasida mamlakatimizda amaliy tashrif bilan bo`lib turgan Rossiya Federatsiyasi tashqi ishlar vaziri Sergey Lavrovni qabul qildi.

Davlatimiz rahbari mehmonni samimiy qutlar ekan, O`zbekiston - Rossiya strategik sheriklik va ittifoqchilik munosabatlari yuqori sur`atlarda rivojlanib borayotganini katta mamnuniyat bilan qayd etdi.

O`z navbatida, Sergey Lavrov Prezidentimiz Shavkat Mirziyoyevga samimiy qabul uchun minnatdorlik bildirib, Rossiya Prezidenti Vladimir Putinning salomi va eng ezgu tilaklarini yetkazdi.

Tomonlarning siyosiy irodasi va oliy darajadagi faol muloqot o`zaro hamkorlikni kengaytirish, uni aniq mazmun bilan boyitishga xizmat qilayotgani ta`kidlandi.

Bugungi kunda savdo, investitsiya, energetika, sanoat va qishloq xo`jaligi, transport va logistika sohalarida qo`shma loyihalar, shuningdek, ta`lim, sog`liqni saqlash, madaniyat va boshqa yo`nalishlarda qo`shma dasturlar muvaffaqiyatli amalga oshirilmoqda. Hududlararo aloqalar salohiyati ro`yobga chiqmoqda.

Uchrashuvda oliy darajada erishilgan kelishuvlarni amalga oshirish hamda samarali hamkorlikni yanada kengaytirish masalalari ko`rib chiqildi.

Xalqaro va mintaqaviy ahamiyatga molik masalalar, jumladan, BMT, SHHT, MDH va boshqa tuzilmalar doirasidagi hamkorlikning dolzarb jihatlari va Afg`onistonda tinchlik o`rnatish masalalari ham muhokama qilindi.

Sergey Lavrov Rossiya O`zbekistonning Afg`onistondagi vaziyatni tez fursatda barqarorlashtirishga koʻmaklashish, ushbu mamlakatni mintaqaviy savdo-iqtisodiy hamkorlikka jalb etish borasidagi faol sa`y-harakatlariga yuksak baho berishi va ularni qo`llab-quvvatlashini bildirdi.

Uchrashuv yakunida tomonlarning xalqlarimiz farovonligi, mintaqaning tinchligi, barqarorligi va izchil taraqqiyoti yo`lida do`stlik, strategik sheriklik va ittifoqchilik munosabatlarini yanada mustahkamlash hamda ko`p qirrali hamkorlikni kengaytirish borasida intilishlari qat`iy ekani ta`kidlandi. (UzА)

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

O`zbekiston Respublikasi Prezidenti Shavkat Mirziyoyev 2 may kuni Markaziy Osiyoda giyohvand moddalarni nazorat qilish sohasidagi

Yangiliklarni o‘qishni tavsiya etamiz

Qozog`istonda Eurasian Book Fair-2019 xalqaro kitob ko`rgazma-yarmarkasi boshlandi

Ko`rgazma doirasida 150 dan ortiq tadbir tashkillashtirilgan...

Samimiy qutlovlar

Fashizm ustidan qozonilgan G`alabaning 74 yilligi munosabati bilan O`zbekiston Respublikasi Prezidenti Shavkat Mirziyoyev nomiga xorijiy davlatlar va hukumatlar...

Mashhur yangiliklar