Yangilangan sana: 2015-05-23 Ko`rilgan: 1906

Beg`ubor orzular tasviri

"Mening ezgu orzuim" deb nomlangan ko`rgazmada bolalar o`z beg`ubor orzularini oppoq qog`ozda tasvirlashga intilganlar. Bu yerda namoyish etilayotgan yuzdan ortiq suratda kichkintoylarning tinchlik, osoyishtalik, yorug` va farovon hayot, tabiat manzaralari, oilaning muqaddas qo`rg`onligi, maktab bilim va tarbiya maskani ekani turfa bo`yoqlarda aks ettirilgan. Mazkur ko`rgazmadan ko`zlangan asosiy maqsad bolalarning orzu-intilishlarini atroflicha o`rganish, ularda o`ziga bo`lgan ishonch va qat`iyatni mustahkamlashdan iboratdir. O`qituvchi nashriyot-matbaa ijodiy uyida Yosh rassom ko`rik tanlovi

– Men yurtimizdagi ko`m-ko`k osmonni, yashil daraxtzorlar, maysazorlarni, maktabga yo`l olayotgan shodon bolalarni aks ettirishga harakat qildim, – deydi 22-Mehribonlik uyi tarbiyalanuvchisi, 12 yoshli Anastasiya Ignatenko. – O`zbekistonimiz doimo tinch va osoyishta, osmoni tiniq bo`lishini orzu qilaman.

Beg`ubor orzular tasviri

Prezidentimiz Islom Karimov rahnamoligida navqiron avlodning kamoloti yo`lida g`amxo`rlik va e`tibor ko`rsatish, ularning ijodiy-intellektual salohiyatini yuksaltirish, ijtimoiy holati, millatidan qat`iy nazar, barcha bolalarning ezgu orzulari ijobati yo`lida keng imkoniyatlar eshigini ochib berish davlatimiz siyosatining ustuvor yo`nalishlaridan biriga aylangan.

O`zbekiston Davlat san`at muzeyida "Sen yolg` iz emassan" Respublika jamoatchilik bolalar jamg`armasi tomonidan 1-iyun – Xalqaro bolalarni himoya qilish kuniga bag`ishlab tashkil etilgan "Mening ezgu orzuim" mavzuidagi rasmlar ko`rgazmasida ayni jihatlar yana bir karra o`zining yorqin ifodasini topdi. Ko`rgazmada mamlakatimizning turli hududlaridagi Mehribonlik uylari tarbiyalanuvchilari, alohida ehtiyojli bolalar chizgan rasmlar namoyish etilmoqda.

"Sen yolg'iz emassan" Respublika jamoatchilik bolalar jamg`armasi Vasiylik kengashi raisi L.Karimova-Tillayeva mamlakatimizda bolalarning huquq va manfaatlarini himoyalash, ularning to`laqonli ta`lim olishi, buyuk ajdodlarimizga munosib vorislar bo`lib kamolga yetishi masalasi davlatimizning doimiy e`tiborida ekanini ta`kidladi.

O`g`il-qizlarning huquqiy manfaatlarini ta`minlashda, ularning jamiyatda o`z o`rnini topishiga yaqindan ko`maklashishda turli vazirlik va idoralar bilan birgalikda jamoat tashkilotlari ham faol hissa qo`shmoqda. Jumladan, "Sen yolg`iz emassan" Respublika bolalar jamoatchilik jamg`armasi tomonidan turli ko`rgazmalar, san`at haftaliklari, sport musobaqalari, bolalar forumlarining muntazam o`tkazilayotgani o`quvchi-yoshlar qobiliyati va iste`dodini to`g`ri yo`naltirib borish, iste`dod sohiblarini har jihatdan qo`llab-quvvatlash imkonini bermoqda.

Tadbir doirasida bolalar ishtirokida asfaltga rasm chizish bo`yicha ijodiy tanlov ham o`tkazildi

Tadbir doirasida bolalar ishtirokida asfaltga rasm chizish bo`yicha ijodiy tanlov ham o`tkazildi.

Ko`rgazma davomida bolalar o`zlari chizgan suratlarning mazmuni haqida atroflicha so`zlab berdilar.

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

Prezidentimiz Islom Karimov rahnamoligida navqiron avlodning kamoloti yo`lida g`amxo`rlik va e`tibor ko`rsatish

Yangiliklarni o‘qishni tavsiya etamiz

Yangi tarixni o`qitishning dolzarb masalalari

Bu yil mamlakatimiz mustaqilligining 24-yilligi keng nishonlanadi.

Toshkentda O`qituvchi NMIU ishtirokida Kitob bayrami 2015 boshlandi

Toshkentda 2015-yil 28-may kuni "Adabiyotga e`tibor - ma`naviyatga, kelajakka e`tibor" shiori ostida an`anaviy "Kitob bayrami" boshlandi

Mashhur yangiliklar

Войти / Регистрация
Закладки
Корзина покупок
Оформление заказа
Интернет-магазин книги в Ташкенте