Yangilangan sana: 2015-05-14 Ko`rilgan: 2235

Yangi tarixni o`qitishning dolzarb masalalari

O`zbekiston Respublikasi Oliy Majlisi Qonunchilik palatasida O`zbekistonning eng yangi tarixini o`rganish va o`qitishning dolzarb masalalariga bag`ishlangan anjuman bo`lib o`tdi.

Bu yil mamlakatimiz mustaqilligining 24-yilligi keng nishonlanadi. O`tgan yillarda Vatanimizni har tomonlama taraqqiy ettirish, rivojlangan demokratik davlatlar safidan munosib o`rin egallash, xalqimiz turmush farovonligini oshirish bo`yicha ulkan ishlar amalga oshirildi. Ushbu jarayonda bosib o`tilgan og`ir va mashaqqatli yillar tajribalarini tarixiy jihatdan chuqur o`rganish, mukammal yoritish, bugungi va kelajak avlodlarga asl holicha yetkazish, o`sib kelayotgan yoshlarimiz ongu shuurini tarix saboqlari, tarix haqiqati bilan boyitish muhim vazifadir.

Anjumanda ta`lim tizimida eng yangi tariximizni o`qitishni yanada takomillashtirish, bu jarayonda qo`llanilayotgan davlat ta`lim standartlari, darslik, o`quv qo`llanmalarning yangi avlodni yaratish, O`zbekiston tarixi faniga ajratilgan dars soatlarini optimallashtirish, mustaqillik davri tarixining o`ziga xos jihatlarini yoshlarga yetkazishda adabiyot, san`at, va milliy jurnalistika salohiyatidan keng foydalanish yuzasidan fikr almashildi.

Yangi tarixni o`qitishning dolzarb masalalari - Oqituvchi.Uz

Oliy Majlis Qonunchilik palatasi Spikeri o`rinbosari S.Otamurodov, Fan, ta`lim, madaniyat va sport masalalari qo`mitasi raisi A.Shodmonov, O`zbekiston Fanlar akademiyasi vitse-prezidenti B.Abduhalimov va boshqalar Prezidentimiz Islom Karimov rahnamoligida tariximizni xolisona o`rganish, o`zligimizni anglash, farovon jamiyat barpo etish borasida izchil ishlar amalga oshirilayotganini ta`kidladi.

Mamlakatimizdagi ta`lim muassasalarida eng yangi tariximiz izchil o`qib-o`rganilmoqda. Bu yo`nalishda davlat ta`lim standartlari, darslik, dastur va o`quv qo`llanmalar chop etilgan. Pedagoglarning malaka va mahoratini oshirish, ilm-fan yangiliklarini ta`lim jarayoniga uzviy ravishda tatbiq etishga alohida e`tibor qaratilmoqda.

Davlatimiz rahbarining 2012-yil 27-yanvardagi “O`zbekiston Respublikasi Oliy va o`rta maxsus ta`lim vazirligi huzurida O`zbekistonning eng yangi tarixi bo`yicha jamoatchilik kengashini tashkil etish to`g`risida”gi qarori ilmiy tadqiqotlar ko`lamini yanada kengaytirish, mustaqillik davri tarixini o`rganishga oid ilmiy loyihalarni takomillashtirish, iste`dodli yosh olimlarni sohadagi izlanishlarga keng jalb etishda muhim dasturilamal bo`layotir.

Mazkur yo`nalishda belgilangan vazifalarni o`z vaqtida hayotga tatbiq etish maqsadida O`zbekiston Respublikasi Oliy va o`rta maxsus ta`lim vazirligi huzurida O`zbekistonning eng yangi tarixi bo`yicha jamoatchilik kengashi tashkil etildi. O`zbekistonning eng yangi tarixi masalalari bo`yicha muvofiqlashtiruvchi metodik markazga asos solindi.

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

Bu yil mamlakatimiz mustaqilligining 24-yilligi keng nishonlanadi

Yangiliklarni o‘qishni tavsiya etamiz

O‘zbekistonning eng yirik nashriyotlari o‘rtasida saytlar mashhurligi reytingi aprel 2015

Bugun 2015 yilning aprel oyi uchun "O`qituvchi" nashriyot-matbaa ijodiy uyi, "G`afur G`ulom" nomidagi nashriyot-matbaa ijodiy...

Beg`ubor orzular tasviri

Prezidentimiz Islom Karimov rahnamoligida navqiron avlodning kamoloti yo`lida g`amxo`rlik va e`tibor ko`rsatish, ularning ijodiy-intellektual salohiyatini yuksaltirish, ijtimoiy holati, millatidan qat`iy nazar, barcha bolalarning ezgu orzulari ijobati yo`lida keng imkoniyatlar eshigini ochib berish davlatimiz siyosatining ustuvor yo`nalishlaridan biriga aylangan.

Mashhur yangiliklar

2013-04-30 Quvnoq startlar

Войти / Регистрация
Закладки
Корзина покупок
Оформление заказа
Интернет-магазин книги в Ташкенте