Yangilangan sana: 2014-08-27 Ko`rilgan: 1552

Maktablar yangi o‘quv yiliga tayyor

O‘zbekiston xalq ta’limi vaziri U.Inoyatov va boshqalar Prezidentimiz Islom Karimov rahnamoligida mamlakatimizda ta’lim sohasida olib borilayotgan keng ko‘lamli islohotlar yosh avlodni bilimli, jismonan sog‘lom va yuksak ma’naviyatli insonlar etib voyaga yetkazishga xizmat qilayotganini ta’kidladi. Ta’lim tizimiga yangi pedagogik texnologiyalar va interfaol uslublar joriy etilayotgani o‘qitishni sifat va mazmun jihatdan yangi bosqichga ko‘tarishga xizmat qilayotir.

Milliy matbuot markazida O‘zbekiston Respublikasi Xalq ta’limi vazirligi tomonidan 2014-2015 o‘quv yilida ta’lim-tarbiya sifatini oshirishdagi ustuvor vazifalarga bag‘ishlangan matbuot anjumani o‘tkazildi.

Bu yil ham yangi o‘quv yili uchun qizg‘in tayyorgarlik ko‘rildi. Jumladan, investitsiya dasturiga muvofiq 381 maktabda qurilish-ta’mirlash ishlari olib borildi. Bolalar sportini rivojlantirish jamg‘armasi tomonidan sport inshootlari, bolalar musiqa va san’at maktablarini qurish hamda rekonstruksiya qilishga 209,1 milliard so‘m sarflandi. Ta’lim dargohlarini mebel, o‘quv-laboratoriya asbob-uskunalari, komputer texnikasi, sport anjomlari bilan jihozlash ishlari izchil davom etmoqda.

Yangi o‘quv yili uchun 605 nomdagi 34,5 million nusxa darsliklar va o‘quv-uslubiy qo‘llanmalar chop etilib, joylarga yetkazildi. Yangi o‘quv yilida umumta’lim maktablarining 1-sinfiga 587 ming o‘quvchi qabul qilinadi. Ayni paytda ular uchun 12 nomdagi o‘quv qurollaridan iborat Prezident sovg‘alari tayyorlanib, ta’lim dargohlariga yetkazildi. Mazkur sovg‘alar Bilimlar kunida bolalarga tantanali topshiriladi. Boshlang‘ich sinf o‘qituvchilari uchun ilg‘or pedagogik va axborot-kommunikatsiya texnologiyalari asosida 7 nomdagi uslubiy qo‘llanma, multimediali dasturlar tayyorlandi. Natijada umumta’lim maktablarining 1-sinflarida fanlar to‘liq ilg‘or pedagogik va axborot-kommunikatsiya texnologiyalari asosida o‘qitilishi yo‘lga qo‘yiladi. Mazkur jarayon bosqichma-bosqich barcha sinflarda davom ettiriladi.

Davlatimiz rahbarining 2012-yil 10-dekabrdagi «Chet tillarni o‘rganish tizimini yanada takomillashtirish chora-tadbirlari to‘g‘risida»gi qaroriga muvofiq joriy yilda 1-sinflar uchun 553 ming nusxa ingliz («Kid's Yenglish»), 21 ming nusxa nemis («Deutsch Macht Spab»), 17 ming nusxa fransuz («Hirondelle») tillari darsliklari qayta nashr etildi. 2-sinf o‘quvchilari uchun 591 ming nusxa chet tili darsliklari va o‘qituvchilar uchun 22 ming nusxa uslubiy qo‘llanmalar chop qilindi. Ular o‘quvchi kitobi, o‘qituvchi uchun qo‘llanma va multimediali ilovalar (DVD-disk)dan iborat.

Fanlar bo‘yicha yig‘ilgan ilg‘or tajriba, pedagogik texnologiyalarni o‘qituvchilarga yetkazish maqsadida oliy o‘quv yurtlari professor-o‘qituvchilari maktablarga biriktirilib, har bir hududda “Mahorat maktablari” faoliyati yo‘lga qo‘yildi. O‘qituvchi va uslubchilarga o‘z vaqtida sifatli yordam ko‘rsatish maqsadida masofaviy uslubiy yordam tizimi – vebinar orqali barcha umumta’lim fanlari bo‘yicha video o‘quv-seminarlar tashkil etildi. Prezidentimiz Islom Karimovning Samarqandda o‘tkazilgan “O‘rta asrlar Sharq allomalari va mutafakkirlarining tarixiy merosi, uning zamonaviy sivilizatsiya rivojidagi roli va ahamiyati” mavzusidagi xalqaro konferensiyaning ochilish marosimidagi nutqini o‘rganish yuzasidan tegishli o‘quv dasturi yaratildi. Mazkur ma’ruza umumta’lim maktablarining 9-sinflarida 6 soatlik fakultativ mashg‘ulotlar sifatida o‘qitiladi.

“Sog‘lom bola yili” davlat dasturiga muvofiq maktabgacha ta’lim muassasalarining moddiy-texnik bazasini mustahkamlash, bolalarni maktabga tayyorlash sifati va xodimlarning kasb mahoratini oshirishga qaratilgan 2015-2020-yillarga mo‘ljallangan Davlat dasturi ishlab chiqildi. Maktabgacha ta’limga qamrab olinmagan bolalarning ota-onalari uchun “Bolajon” tayanch dasturi asosida “Nutq o‘stirish, o‘qish va savodga tayyorlash”, “Matematik tasavvurlarni shakllantirish”, “Sog‘lom tanda – sog‘ aql” kabi besh nomdagi qo‘llanmalar tayyorlandi. Mazkur adabiyotlar maktab kutubxonalari orqali ota-onalarga tarqatiladi. Matbuot anjumanida jurnalistlarning savollariga javob qaytarildi. (O`zА)

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

Maktablar yangi o‘quv yiliga tayyor

Yangiliklarni o‘qishni tavsiya etamiz

O‘zbekiston mustaqilligining yigirma uch yilligi munosabati bilan fan, ta’lim, sog‘liqni saqlash, adabiyot, madaniyat, san’at, ma’naviyat va ma’rifat, ommaviy axborot vositalari hamda ijtimoiy sohalar xodimlaridan bir guruhini mukofotlash to‘g‘risida

Vatanimiz mustaqilligini mustahkamlash, milliy g`oyani rivojlantirish, ma`naviyatimizni tiklash, o`zligimizni anglash yo`lida katta hissa qo`shgan...

Prezident Islom Karimovning O‘zbekiston Respublikasi mustaqilligining yigirma uch yilligiga bag‘ishlangan tantanali marosimdagi tabrik so‘zi

Bugun xalqimiz ona yurtimizning buyuk tarixidagi haqiqatan ham biz uchun eng ulug` ...

Mashhur yangiliklar

Войти / Регистрация
Закладки
Корзина покупок
Оформление заказа
Интернет-магазин книги в Ташкенте