Yangilangan sana: 2013-12-20 Ko`rilgan: 998

Eng munosiblar taqdirlandi

Prezidentimiz Islom Karimov rahnamoligida badiiy ijod, madaniyat va san’at, jurnalistika va sport sohalarini yanada rivojlantirish borasida ko‘rsatilayotgan ulkan e’tibor va g‘amxo‘rlik zamirida xalqimiz, ayniqsa, yosh avlod ma’naviyatini yuksaltirish, ularni hech kimdan kam bo‘lmagan, sog‘lom va barkamol insonlar etib voyaga yetkazishdek ezgu maqsadlar mujassam.

“Istiqlol” saroyida 20-dekabr kuni O‘zbekiston Respublikasi Madaniyat va sport ishlari vazirligi hamda qator hamkor tashkilot va idoralar bilan birgalikda madaniyat, san’at, badiiy ijod, jurnalistika va sport sohalarida salmoqli yutuqlarga erishgan eng faol ijodkorlarni qo‘llab-quvvatlash va rag‘batlantirish, ularning faoliyatini keng ommalashtirish maqsadida tashkil etilgan “E’tirof” mukofoti sovrindorlarini taqdirlash marosimi bo‘lib o‘tdi.

O‘zbekiston Respublikasi madaniyat va sport ishlari vaziri M.Hojimatov va boshqalar Prezidentimiz Islom Karimov rahnamoligida istiqlol yillarida milliy ma’naviyatimizni tiklash, uni zamon talablari asosida rivojlantirish, yoshlarni milliy san’atimiz va madaniyatimiz vositasida yuksak fazilatlar sohibi etib kamolga yetkazish borasida ulkan ishlar amalga oshirilayotganini ta’kidladi.

2013-yil ham mamlakatimiz madaniy-ma’rifiy hayotida yuksak saviyada o‘tkazilgan rang-barang tadbirlar, ijodiy loyihalar, festivallar, konsertlar, ko‘rik-tanlovlarga boy bo‘ldi. Qoraqalpog‘iston Respublikasi, barcha viloyatlar va Toshkent shahridagi teatr jamoalarining spektakllari mamlakatimiz bo‘ylab tashkil etilgan gastrollar davomida muxlislar e’tiboriga havola etildi. Qator tashkilotlar bilan hamkorlikda o‘tkazilgan “Qo‘hna zamin ohanglari” katta ashula, lapar va o‘lan ijrochilarining respublika tele-tanlovi, maydon tomoshalari telefestivali, “Seni kuylaymiz, zamondosh!” teatrlarning ikkinchi respublika tanlovi musiqa va teatr san’atimizning noyob durdonalarini asrab-avaylash, ularni yoshlar o‘rtasida keng targ‘ib etishdek ezgu maqsadlarga xizmat qildi.

Istiqlolimiz, tinch-osoyishta, fayzli va obod hayotimiz, yutuq va marralarimiz, barkamol avlod istiqboli yo‘lidagi g‘amxo‘rlikni tarannum etuvchi kuy-qo‘shiqlar yaratish, yoshlarni vatanparvarlik, fidoyilik, yurt taqdiri uchun daxldorlik tuyg‘ulari ruhida tarbiyalashda, ijodkorlar o‘rtasidagi hamkorlikni mustahkamlashda “Yagonasan, muqaddas Vatan!” respublika ko‘rik-tanlovining ahamiyati beqiyosdir.

Samarqand shahrida o‘tkazilgan “Sharq taronalari” IX xalqaro musiqa festivalida dunyoning ellikdan ortiq mamlakatidan kelgan san’atkorlar Registon maydonida milliy kuy-qo‘shiqlari, raqslarini namoyish etdi.

2013-yil sport sohasida ham ulkan muvaffaqiyatlar yili bo‘ldi. O‘zbekistonlik yoshlar sportning ko‘plab turlari bo‘yicha qit’a va jahon chempionatlarida zafar quchib, Vatanimiz nufuzini yanada oshirishga munosib hissa qo‘shdi.

“Mumtoz qo‘shiq, milliy estrada va opera san’ati”, “Milliy va zamonaviy raqs hamda balet”, “An’anaviy va akademik cholg‘uchilik”, “Rassomlik va dizayn”, “Kino, teatr va ommaviy tomoshalar”, “Badiiy ijod, jurnalistika va televideniye”, “Sport va jismoniy tarbiya” kabi yo‘nalishlar bo‘yicha yigirmadan ortiq nominatsiya g‘oliblari taqdirlandi.

– Mamlakatimizda san’at, madaniyat, badiiy ijodiyot, sport sohalariga ko‘rsatilayotgan ulkan e’tibor biz, ijod ahlini yanada ruhlantiradi, – deydi O‘zbekiston xalq rassomi, “Yilning eng mohir amaliy san’at ustasi” nominatsiyasi g‘olibi Ortiq Fayzullayev. – Bu bizni Yurtboshimiz tomonidan ko‘rsatilayotgan doimiy mehr va e’tiborga javoban yanada samarali ijod qilishga undaydi.

San’at ustalari va ijrochi yoshlar ishtirokida konsert namoyish etildi. UzА

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

Eng munosiblar taqdirlandi

Yangiliklarni o‘qishni tavsiya etamiz

O‘zbekistonning eng yirik nashriyotlari o‘rtasida saytlar mashhurligi reytingi

Bugun 2013 yilning noyabr oyi uchun «O‘qituvchi» nashriyot-matbaa ijodiy uyi, «G‘afur G‘ulom» nomidagi nashriyot-matbaa ijodiy uyi, «O‘zbekiston» nashriyot-matbaa ijodiy uyi,«O‘zbekiston milliy ensiklopediyasi» Davlat ilmiy nashriyoti, «Cho‘lpon» nomidagi nashriyot-matbaa ijodiy uyi kabi O‘zbekistonning yirik nashriyotlari o‘rtasidagi eng mashhur saytlar natijasini keltiramiz...

Mustaqillik maydonida Yangi yil tantanalari davom etmoqda

Toshkent shahridagi Mustaqillik maydonida davom etayotgan Yangi yil bayrami tantanalari qordek oppoq tilaklarimiz, pokiza orzu-niyatlarimiz, bolalarning beg‘ubor, shodon kayfiyatiga hamohangdir...

Mashhur yangiliklar

2013-04-05 Oqsaroyda qabul

Войти / Регистрация
Закладки
Корзина покупок
Оформление заказа
Интернет-магазин книги в Ташкенте