Yangilangan sana: 2010-05-09 Ko`rilgan: 3827

„O‘qituvchi“ NMIU ishlash chiqarish bo'limlari

„O‘QITUVCHI“ NMIU ISHLASH CHIQARISH BO'LIMLARI

Ishlab chiqarish bo‘limi
Ishlab chiqarish bo‘limi ishlab chiqarishning borishini tezkor tartibga solish, topshiriq va shartnomalarga muvofiq mahsulotning bir maromda chop etilishini ta’minlash bo‘yicha ish olib boradi. Ishlab chiqarish rejalari va mahsulot chop etish grafiklarini tuzishga boshchilik qiladi, ishlab chiqarishning texnik hujjatlar, materiallar, komplektlovchi buyumlar bilan ta’minlanganligini nazorat qiladi. Ishlab chiqarishning borishini kunlik tezkor hisobini olib boradi, tayyor mahsulot ishlab chiqarishga qo‘yiladigan sutkalik vazifalarning bajarilishini ta’minlaydi, yakunlanmagan mahsulotning holati va butligini nazorat qiladi.
Ishlab chiqarish taqvimiy rejalarining bir maromda bajarilishini ta’minlash borasida choralar ko‘radi. Kooperatsiya va sexlararo xizmatlar bo‘yicha buyurtmalarning bajarilishini o‘z vaqtida rasmiylashtirish, hisobga olish va tartibga solishni ta’minlaydi. Asosiy jihoz va uning ishlab chiqarish quvvatidan maksimal darajada foydalanishni ta’minlaydi. Nashriyotni nazorat va signal nusxalar bilan ta’minlaydi. Buyurtmalarni texnologik tafsilotlari bilan sexga qabul qiladi, rasmiylashtiradi va topshiradi. Sexlar uchun texnologik kartani va kalkulatsiya tuzish uchun buyurtmaning o‘tish tezkor kartasini to‘ldiradi. Har chorakda boshqa nashriyotlar va buyurtmachilar bilan bajarilgan ishlar haqida hisobot tuzadi. Ishlab chiqarish sexlarini qog‘oz, PNL va muqova materiallari bilan uzluksiz ta’minlanishini nazorat qiladi. Sexlar uchun nashriyot limiti va buyruq naryadlarini yozib beradi. Buyurtmalarning o‘tish grafigini tuzadi. Ishlab chiqarish bo‘limi bo‘lim boshlig‘i, kitob-jurnal mahsulotlari bo‘yicha texnolog, blank mahsulotlari bo‘yicha texnolog, qog‘oz bo‘yicha texnolog , texnolog-dispetcher, nashr ishlari bo‘yicha texnologdan tashkil topgan.

Forma tayyorlash sexi
Forma tayyorlash sexi quyidagi uchastkalardan tashkil topgan:
– tasvir ko‘rintirish uchastkasi;
– montaj uchastkasi;
– forma tayyorlash uchastkasi;
– harf terish uchastkasi;
– qayta quyish uchastkasi.
Tasvir ko‘rintirish uchastkasida „QVASAR“ fototasvir ko‘rintirgich, „AGFA“ firmasi plyonkalari uchun protsessor, „HEIDELBERG“ firmasining „NEXCAN“ skaneri, „NOVASET“ PRO 063 plotteri kabi uskunalar o‘rnatilgan. Formalar tayyorlash jarayoni ФКР116 va VFC-52 nusxa ko‘chirish apparatlarida, shuningdek, InterPlater88P protsessorida amalga oshiriladi. Plastinalarni kuydirish ФМТ-53 qurilmasida bajariladi. Bosma formalar asosan oldindan tozalangan aluminiy plastinalarda tayyorlanadi. Ularning bosish bardoshliligi listovoy mashinalarda 150,0 ming nusxaga, rulonli mashinalarda esa 200,0 ming nusxadan ko‘proqqa yetadi.

Ishlab chiqarishni modernizatsiyalash
Bosma mahsulotni tayyorlashning asosiy komponentlaridan biri bosma forma hisoblanadi. Matbaa sanoatida bosma formalarni tayyorlash uchun asosan ikkita texnologiya qo‘llaniladi: an’anaviy, odatda u plyonkali usul deb ataladi va ikkinchisi CtP texnologiyasi asosida. CtP tizimi forma tayyorlash jarayoni ish hajmini qisqartirib, bosma mahsulotning tannarxini 15% ga kamaytirishga imkon beradi.
O‘z navbatida, texnologiyasiga ko‘ra CtP termal, binafsha va ultrabinafshaga bo‘linadi. CtP texnologiyalari sotuvi statistik ma’lumotlariga ko‘ra 2008- yilda termallar sotuvi deyarli 72%, binafshalar 26% ni tashkil etgan. Shuningdek, 2008- yilda ishlatilgan forma plastinalarining turlariga ko‘ra, asosiy o‘rinni (68%) termal plastinalar egallagan. Bosma jihozlari va ularning texnik tafsilotlari, CtPni ishlatish shartlari va texnik xususiyatlari, ishlab chiqariladigan bosma mahsulotlar turlarining mavjudligidan kelib chiqib, termal plastinali CtP texnologiyalardan foydalanishga qaror qildik.
Biz jihozlarni olishning bir necha variantlarini ko‘rib chiqdik. Turli ta’minotchilardan har xil, masalan, „Agfa“, „Kodak“, „Screen“ firmalarida tayyorlangan jihozlar uchun tijorat takliflarini oldik. Biz ishlab chiqaruvchilarning jahon bozoridagi o‘rnini tahlil qilib chiqdik. Amaldagi CtP qurilmalari miqdori bo‘yicha yetakchi o‘rinni „Kodak“ va „Screen“ kompaniyalari 36% va 38% bozor ulushlari bilan egallab turishibdi. O‘zbekistonda „Kodak“ (ilgarigi „Kreo“) va „Screen“ kompaniyalari ishlab chiqqan CtP o‘rnatilgan. Ulardan foydalanish tajribasi „Screen“ ning zamonaviyroq, ichonchliroq va uzoq muddatga chidamliroq ekanligini ko‘rsatdi.
„Screen“ apparatlari plastinalarga tasvirlar tushirishning termal (to‘lqin uzunligi 830 nm) texnologiyasidan foydalanadi. Bu plastinalarga tasvir tushirishning yuqori sifatiga erishish va har qanday ishlab chiqaruvchining termal plastinalaridan foydalanish imkonini beradi. „Screen“ ning CtP tizimlarida alohida almashtiriluvchi lazerlardan iborat termal boshcha mavjud. Lazerli tizimning narxi jihoz narxining katta qismini tashkil etishi bois, alohida lazerni almashtirish imkoniyati jihozdan foydalanish va uni ta’mirlashda sezilarli darajada mablag‘ tejash, shuningdek, hattoki, lazerlardan biri ishdan chiqqan taqdirda ham jihozning yuqori ish qobiliyatini saqlab qolish imkonini beradi. „Screen“ apparatlarida qo‘llaniladigan lazerlarning chidash muddati uzluksiz ravishda 10000 soat nur tushirishni tashkil etadi. Ammo lazerlar faqatgina nuqtalarni kuydirish paytidagina ishga tushadi. Natijada, „Screen“ lazer tizimining yaroqlilik muddatini o‘rtacha ishlaganda 5—6 yil deb baholash mumkin. „Screen“ tizimlari juda ishonchli bo‘lib, uzoq chidaydi. Ular hattoki 50% lazer diodlari ishlamay qolganda ham ishlashni davom ettiraveradi.
CtP „Screen“ avtobalansirovka funksiyasi bilan jihozlangan. CtP ning ishlashida ofset plastinalarini mahkamlash uchun barabanlarni balansirovka qilish muhim rol o‘ynaydi. Baraban katta tezlikda aylanadi, shunday ekan, jihozning xizmat muddati barabanning qanchalik yaxshi balansirovka qilinganligiga bog‘liq. Turli formatdagi plastinalarni barabanda o‘rnatayotgan paytda barabanning balansirovkasi buziladi. Faqatgina „Screen“ tizimlarigina avtobalansirovkaga ega bo‘lib, u barabanning balansirovkasini buzmasdan har qanday formatdagi plastinalarda foydalanish imkonini beradi. Bu funksiya jihozning xizmat muddatini bir necha yilga uzaytirish imkoniyatini yaratadi.
„Screen“ apparatida tasvirlarning bir-biri ustiga to‘g‘ri joylashuvi (plastinaning chetiga nisbatan bu plastinada tasvirlarning aniq joylashuvi) 5 mkm ni tashkil etadi. Takroriylik (plastinalar tasvirini qayta ko‘rintirish aniqligi) – 5 mkm. Bunday xususiyat bosma mashinalarda to‘g‘rilash paytida vaqt va qog‘ozni anchagina tejash imkonini beradi.
CtP „Screen“ ning texnik afzalliklarini hisobga olib, biz „Screen“ tizimlarini eng yaxshi yetkazib beruvchini, ya’ni eng yaxshi yetkazib berish va to‘lov shartlarini taqdim qilgan ta’minotchini tanlab oldik. Tushgan takliflarni (shuningdek, zavoddan ham) taqqoslab, biz Eastern Trading House Inc. kompaniyasining O‘rta Osiyo hududidagi yagona Dainippon Screen ditributeri bilan shartnoma tuzishga qaror qildik.
Ayni paytda termoplastina tasvirlarini to‘g‘ridan to‘g‘ri ko‘rintiruvchi Plate Rite 8600 SL qurilmasini va „SIRIO“ turkumidagi tasvir ko‘rintirish protsessorini yetkazib berish bo‘yicha shartnomalar tuzish yuzasidan muzokaralar olib borilmoqda.

Bosma sex
Bosma sex quyidagi uchastkalardan tashkil topgan:
– listovoy mashinalar uchastkasi;
– rulonli mashinalari uchastkasi;
– falsovka uchastkasi;
– pripressovka mashinalari uchastkasi;
– tezkor bosma uchastkasi
2007- yilda bosma sexda respublikada birinchi yangi bosma mashina „RYOBI-754“ o‘rnatildi. Mazkur bosma mashina turli qalinlikdagi qog‘ozlarda (gazeta qog‘ozidan tortib 0,6 mm qalinlikdagi kartongacha) to‘rt rangli bosma mahsulotlarni ishlab chiqarishga imkon beradi. Bosish sifatini raqamli nazorat qilish kichik va katta adaddagi buyurtmalarni yuqori sifatda muntazam bosib borishni ta’minlaydi. „RYOBI-754“ bosma mashinasining ishlab chiqarish quvvati soatiga 15000 bosma taboqdir.
2008- yilning iyunida „RYOBI-750“ seriyasidagi ikkinchi bosma mashina ishga tushirildi. To‘rt rangli „RYOBI-750P“ bosma mashinasi bir yurgizishda taboqning old va orqa tomonida soatiga 10 000 taboq tezlikda ikki rangda bosish imkoniyatiga ega. Bosma mashina turli qalinlikdagi qog‘ozlarda (gazeta qog‘ozidan tortib 0,6 mm qalinlikdagi kartongacha) to‘rt rangli bosma mahsulotlarni ishlab chiqarishga imkon beradi. Bosish sifatini raqamli nazorat qilish kichik va katta adaddagi buyurtmalarni yuqori sifatda muntazam bosib borishni ta’minlaydi. «RYOBI-754P» bosma mashinasining ishlab chiqarish quvvati soatiga 15000 bosma taboqdir. Bugungi kunda (01.05.2010- y.) ushbu mashina 28,0 mln. dan ortiq bosma taboq chop etdi.

 

RYOBI-754P bosma mashinasi
«RYOBI-754P» bosma mashinasi

 

Listovoy mashinalar uchastkasida, shuningdek, ikki rangli „Планета Вариант“, „Спидмастер-HD 102 ZP“ hamda „Доминант-725“ ikki birligi o‘rnatilgan.
Rulonli mashinalar uchastkasida Hindistonning „Poligraph“ firmasida tayyorlangan to‘rt rangli „Циркон-66“ bosma mashinasi o‘rnatilgan. Mazkur mashinada eni 60 sm va 70 sm bo‘lgan o‘ramli qog‘ozlarni ishlatish orqali bosma mahsulotlar ishlab chiqariladi.

«Циркон-754P» bosma mashinasi
Falsovka jarayoni „Мультэффект“ mashinalarida bajariladi. 2006- yilning noyabr oyida yangi AFC-744AKTSC rusumli falsovka mashinasi o‘rnatildi. Taboqlarning maksimal bichimi – 740 х 1100 mm. AFC-744AKTSC mashinasi 14 standart falsovka turigacha sozlanishi, shuningdek, zaruriy falsovka turini oddiy usul bilan tanlash va sensorli LCD ekrandan taboq bichimini kiritish orqali unda 8 va 16 chiziqli daftarlarni tayyorlash mumkin. Barcha sozlashlar sensorli ekrandagi yirik interaktiv ikonalar yordamida kiritiladi va bu boshqarish hamda tezkor qayta sozlashga qulaylik yaratadi.

 

Falsovka mashinasi AFC-744AKT
Falsovka mashinasi AFC-744AKTSC

 

2006- yilning sentabr oyida yangi „Perfecta-132“ kesish mashinasi ishga tushirildi. U kompyuter yordamida boshqariladigan birinchi klassdagi, takomillashtirilgan va yuqori ishlab chiqarish quvvatiga ega bo‘lgan kesuvchi mashina bo‘lib, professional talablarga ko‘ra eng murakkab kesish jarayonlarni dasturlasa bo‘ladigan, to‘liq grafik menyuli sensor ekraniga egaligi, shuningdek, ishlatishga soddaligi bilan ajralib turadi. Perfectaning sensorli ekrani kesishni tushunarli amalga oshirishga, oson xizmat ko‘rsatishga imkon bersa, uning ma’lumotlarni grafik tarzida ko‘rsatishi dasturning ishga tushishidan oldin unda yuzaga kelishi mumkin bo‘lgan xatoliklarni topishga yordam beragi.

 

Резальная машина PERFECTA 132
Kesish mashinasi PERFECTA 132

 

Broshura-muqovalash sexi
Muqovalash sexi quyidagi uchastkalardan tashkil topgan:
– muqova qapqog‘i tayyorlash uchastkasi;
– taboqlarni taxlash uchastkasi;
– yumshoq muqovalash uchastkasi;
– ip bilan tikish uchastkasi;
– sim bilan tikish uchastkasi;
– bloklarga ishlov berish va muqova qopqog‘iga qo‘yish uchastkasi;
– maket uchastkasi.
Qopqoq tayyorlash uchastkasi „Kolbus“ firmasining quyidagi jihozlaridan tashkil topgan: muqovalash materiallarini bichish KS da, kartonni qirqish esa PK-170 da amalga oshiriladi, shuningdek, uchastkada ADAST-84 rusumli bir pichoqli kesish mashinasi ham o‘rnatilgan.
Bosib chiqarilgan daftarlarni taxlash tikishsiz biriktirgich „Ratio-binder“ liniyasi bilan birga ishlaydigan ZU-803 uskunasida amalga oshiriladi.
Yumshoq muqovalarga berilgan buyurtmalar „Kolbus“ firmasining KM-470 va HD-140P liniyalarida bajariladi.
Ip bilan tikish uchastkasi ikkita НШ-6 yarimavtomati va uchta „Aster-2000“ avtomatidan tashkil topgan. Sim bilan tikish БШП-4.– 3 ед. uskunasida bajariladi.
Qattiq muqovalarga berilgan buyurtmalar BF-526 liniyasida bajariladi. Liniya tarkibiga shtrixovkalovchi va tayyor mahsulotlarni umumiy presslovchi FE-603 mashinasi ham kiradi.
Yuqorida sanab o‘tilgan uskunalardan tashqari sexda forzas yelimlovchi KB-400 mashinasi, kichik adaddagi buyurtmalarni tayyorlaydigan „Horison“ firmasining BQ-270 rusumli tikishsiz biriktiruvchi mashinasi hamda bir pichoqli SEY-132 kesish mashinasi o‘rnatilgan.

Texnik xizmat ko‘rsatish bo‘limi
OGM va E ishlab chiqarish jihozlarini, umuman olganda „O‘qituvchi“ nashriyot-matbaa ijodiy uyining ishlab chiqarish bazasini ta’mirlash, ularga xizmat ko‘rsatishni amalga oshiradi. U uchta asosiy tarkibiy bo‘linmalardan tashkil topgan: 1) 4 kishidan iborat bo‘lgan mexanik ta’mirlash sexi. Boshliq bosh mexanik hisoblanadi. 2) OGE elektr ta’minoti va ta’miri bilan shug‘ullanadi, u 6 kishini o‘z ichiga olgan bo‘lib, boshliq bosh energetik hisoblanadi. 3) Issiqlik texnikasi uchastkasi ishlab chiqarish korpuslariga issiqlik va suv ta’minotini amalga oshiradi. U 6 kishidan iborat bo‘lib, boshliq issiqlik texnikasi uchastkasi masteri hisoblanadi.

Qog‘oz tayyorlash uchastkasi
Qog‘oz tayyorlash uchastkasida ikkita: qog‘ozni flatovka qilish uchun PP1794 markali mashina va bir pichoqli „ADAST-MAXSIMA MS 115-1“ mashinasi o‘rnatilgan. Qog‘oz o‘ramlarining eng katta o‘lchami eniga 90 sm. O‘ramlarni flatovka qilish ikki o‘ramdan amalga oshiriladi.

Texnik nazorat bo‘limi
Texnik nazorat bo‘limi nashr etilishi yo‘lga qo‘yilayotgan va nashr etilayotgan mahsulotlarni tayyorlash, bajarilayotgan ishlar (xizmatlar) ning sifatini oshirishni rejalashtirish bo‘yicha ish olib boradi, texnikaning zamonaviy taraqqiyot darajasiga, eksport talablari va h.k.ga mahsulotlarning muvofiq bo‘lishini ta’minlash borasida korxona bo‘linmalari faoliyatini nazorat qiladi. Boshqaruv tizimi sifatini takomillashtiradi, sifat ko‘rsatkichlari me’yorlari va normativlarini ishlab chiqadi hamda ularga rioya qilinishni nazorat qiladi. Nashr etilishi yo‘lga qo‘yilayotgan va nashr etilayotgan mahsulotlarni xarakterlovchi zaruriy ma’lumotlar va sifat ko‘rsatkichlarini tahlil qiladi, o‘rnatilgan talablarga mos kelmaydigan mahsulotlar haqida ogohlantirish va bunday mahsulotlarni ishlab chiqarishning oldini olish bo‘yicha choralar ko‘radi. Mahsulotlar (ishlar, xizmatlar) sifati yomonlashishiga, yaroqsiz mahsulotlar ishlab chiqilganligiga sabab bo‘lgan omillarni o‘rganib chiqadi, ularni bartaraf etish bo‘yicha choralar ishlab chiqadi va joriy etadi. Sifatni boshqarish, sanoat mahsulotlari sifatini attestatsiyadan o‘tkazish, korxona tomonidan ishlab chiqariladigan mahsulotlarga me’yorlar va texnik shartlarni joriy etish bilan bog‘liq bo‘lgan tadbirlarni tayyorlashda ishtirok etadi.

„O‘QITUVCHI“ NMIU TAHRIRIYATLARI

Ijtimoiy adabiyotlar tahririyati

Tahririyat tomonidan quyidagi darsliklar va o‘quv qo‘llanmalar nashr etilgan: „Tarixdan saboqlar “ akad. B. Ahmedov, „O‘zbekiston tarixini o‘rganishda arxiv materiallaridan foydalanish“ dots. J. Rahimov, „O‘rta Osiyo xalqlari tarixshunosligidan parchalar“ prof. T. Saidqulov, „O‘zbekiston davlati va huquqi asoslari“ dotsentlar O. Karimova va b., „Falsafa“ J. Tulenov, „Inson va biosfera “ M. Nabiyev, „Mehnat iqtisodiyoti va sotsiologiyasi“ K. Abduraxmonov, „Qishloq xo‘jalik mashinalari“ M. Shoumarova va T. Abdullayev, „Geodeziya va kartografiya“ X. Muborakov va S. Ahmedov, „Menejment“ M. Sharifxodjayev va U. Abdullayev, „Statistika nazariyasi“ U. Abdullayev, „O‘rta Osiyo tabiiy geografiyasi“ P. Baratov, „O‘zbekiston tarixi“ Q. Usmonov, „Kichik biznesni boshqarish“ M. S. Qosimova va b., „Marketing strategiyasi“, „Kichik va o‘rta biznesni tashkil etish va rejalashtirish“ A. Abdullayev, „Buxgalterlik hisobi va aydit“ K. B. O‘razov, „Falsafa“ S. Mamashokirov tahriri ostida, „Shaxs va jamiyat “ R. Z. Jumayev tahriri ostida, „Evolutsion geologiya“ T. N. Dolimov va V. N. Troitskiy, „A. Temur va Ulug‘bek zamondoshlari xotirasida“ mualliflar guruhi, „Buxgalterlik hisobi nazariyasi“ A. Abdullayev, „Siyosatshunoslik“ X. T. Odilqoriyev, „Научные школы НУУз“ G. N. Muxamedov, „Boburnoma MINIATURALARI“, „Personalni boshqarish“ K. Abdurahmonov, „O‘zbek pedagogikasi antalogiyasi “ K. Hoshimov va b., „Ma’naviyat — qalb quyoshi“ U. Boboyorov va b., „O‘zbekiston tarixi. Milliy istiqlol davri“ Q. Usmonov va b., „Jizzax tarixi“ X. Haydarov va b. Tahririyat yuqorida ko‘rsatib o‘tilgan mualliflar bilan muntazam ravishda hamkorlik qilib kelmoqda.

Fizika va matematika tahririyati

Fizika va matematika tahririyati respublikamiz maktab, akademik litsey, kasb-hunar kollejlari o‘quvchilari hamda oliy o‘quv yurtlari talabalari uchun darslik va o‘quv-metodik qo‘llanmalar nashr etib kelmoqda.
Fizika va matematika bo‘yicha darsliklar yaratishda O‘zbekistonning mashhur olimlari T. N. Qori-Niyoziy, R. Otajonov, R. Mallin, S. Azimov, R. Bekjonov, V. Qobulov, T. Sarimsoqov, S. Sirojiddinov, T. Azlarov, P. Habibullayev, Sh. O. Alimov, J. Ikromov va M. Sobirovlar ulkan hissa qo‘shishgan.
M. Saxayev, F. Saidov, B. Mirzaahmedov, O. Shodiyev, S. Battalov, S. Orzumetov, S. Rumiy, A. Ma’ziyev, R. Saydaliyev, I. Ahmadjonov, N. U. Bikbayeva, E. Nazirov, A. Teshaboyev, A. Rahimov va S. Akobirov kabi mualliflar, tarjimonlar, taqrizchilar hamda olim-metodistlar tahririyatning eng faol mualliflari hisoblanishadi.
Nashrga tayyorlangan ko‘plab darsliklar va metodik qo‘llanmalar mahalliy mualliflar tomonidan yozilgan. Masalan, „Analitik geometriya“ (T.N. Qori-Niyoziy), „Vektor nazariyasi elementlari“ (R. Mallin), „Geometrik yasash usullari“ (M. A. Sobirov va A. Y. Yusupov), „Atom va yadro fizikasi“ (akad. R. B. Bekjonov), „Elementar zarrachalar fizikasi“ (S. A. Azimov va A. Abdujalilov), „Umumiy fizika kursi“ (O. Ahmadjonov), „Elektrodinamika va nisbiylik nazariyasi“, „Klassik mexanika“ (A. U. Rahimov), „Chiziqli integral tenglamalar elementlari“ (Sh. T. Maqsudov), „Haqiqiy o‘zgaruvchili funksiyalar nazariyasi“, „Funksiyalar analizi kursi“ (akad. T. A. Sarimsoqov), „Ehtimolliklar nazariyasi asoslari“ (akad. S. H. Sirojiddinov).
Mustaqillik qo‘lga kiritilgandan so‘ng, respublikada darsliklar yangi dastur va konsepsiyalar asosida, o‘ziga xos milliy xususiyatlarni e’tiborga olgan holda nashrga tayyorlanib kelmoqda.
Masalan: 2–3- sinflar uchun „Matematika“ (muallif N. U. Bikbayeva), 6 sinf uchun „Matematika“ (mualliflar M. Mirzaahmedov, A. Rahimqoriyev), 7–9- sinflar uchun „Algebra“ (mualliflar Sh. O. Alimov, M. Mirzaahmedov, O. Xolmuhammedov), „Astronomiya“ (M. Mamadazimov) va b. Oliy o‘quv yurtlariga kiruvchilar uchun qator qo‘llanmalar, masalan, „Fizika“ (muallif K. Tursunmetov), „Matematika“ 1- va 2- kitoblar (muallif O‘. Husanov va b.) kabilar ham chop etildi.

O‘zbek tili, adabiyoti va pedagogika adabiyotlari tahririyati

Tahririyat quyidagi fanlar bo‘yicha darsliklar, o‘quv va metodik qo‘llanmalar nashr qiladi: „Ona tili“, „O‘zbek tili“, „Adabiyot“, „Pedagogika“, „Psixologiya“, „Jismoniy tarbiya“. Bundan tashqari, tahririyat turli janrlar va yo‘nalishlardagi adabiyotlar, shuningdek, ilmiy-pedagogik asarlar hamda badiiy adabiyotlarni ham nashr etadi. Mazkur tahririyatda keyingi yillarda „Qobusnoma“ (nashrga U. Dolimov tayyorlagan), „Boburnoma“, „O‘zbek xalq ertaklari“, 1–2 -sinflar uchun „Kitobim oftobim“ sinfdan tashqari o‘qish kitobi, „Chingiz Aytmatov – hayoti va ijodi“ A. Rashidov, „O‘zbek pedagog olimalari“ S. Ochil, „Xatolar mamlakatida“ K. Turdiyeva, „Hayotim falsafasi“ S. Murodov va h.k. Hozirgi kunda o‘zbek adabiyoti va o‘zbek adabiy tili bo‘yicha ma’lumotnomalar, bolalar uchun „Ming bir kecha ertaklari“ va h.k. nashrga tayyorlanmoqda.

Kimyo va biologiya tahririyati

Tahririyatda asosan, kimyo-biologiya, qishloq xo‘jaligi va qishloq xo‘jalik texnikalari, tibbiyot hamda tabiatshunoslik fanlariga doir kitoblar nashr etiladi. Ayni paytda tahririyatda yangi o‘quv dasturi asosida yozilgan darsliklar, kichik va maktab yoshidagi bolalar uchun mo‘ljallangan ilmiy-ommabop kitoblar nashrga tayyorlanmoqda. Tahririyatda biologiya fanlari doktori, professor O‘ktam Pratov, k.f.d., professor Abdullatif Abdusamatov, t.f.d., prof. Abdurashid Hamroyev va Shoanvar Shoabdurahmonov boshchiligidagi mualliflar jamoasi tashkil etilgan.
Hozirgi kunda tahririyatda kichik yoshdagi bolalar uchun „Hayvonot olami“, „Qiziqarli o‘simliklar“, „Zonzotlar nima deydi?“, „Yashil dunyo mo‘jizalari“ kabi adabiyotlar, shuningdek, o‘quvchi va abiturientlar uchun botanika va zoologiyadan ma’lumotnomalar nashrga tayyorlanmoqda.
Mazkur yilda tahririyat tomonidan quyidagi kitoblar chop etildi: „Asab va ruhiy kasalliklar “ X. Eshmurodov va b., „Kimyo“ (Anorganik kimyo) 1-qism B. Akbarov va b., „Kimyo“ 2- qism X. Tojimuxammedov, „Kimyo“ G. Xomchenko va b., „Odam va uning salomatligi“ B. Aminov va b.

Rus va chet tillar adabiyotlari tahririyati

Rus va chet tillar adabiyotlari tahririyati umumta’lim maktablari, oliy o‘quv yurtlari, akademik litsey va kasb-hunar kollejlari uchun original, tarjima darsliklar va o‘quv qo‘llanmalar, shuningdek, o‘qituvchilar uchun metodik qo‘llanmalar nashr etadi. Ingliz tili bo‘yicha „FLY HIGH“ (5–8- sinflar), nemis tili bo‘yicha „Assalom, Deutsch“ (5–8- sinflar) o‘quv metodik majmualari, jismoniy tarbiya bo‘yicha darsliklar turkumi (4–9- sinflar) va h.k. chop etildi. Bundan tashqari, litsey va kollejlar uchun „История Узбекистана“ (O‘zbekiston tarixi) Q. Usmonov, „Астрономия“ (Astronomiya) M. Mamadazimov, „Информатика и информационные технологии“ (Informatika va axborot texnologiyalari) A. Sattorov, „Алгебра и основы математического анализа“ (Algebra va matematik analiz asoslari) S. Saydamatov va b., „Физическое воспитание“ (Jismoniy tarbiya) T. Usmonxo‘jayev va h.k. darsliklar yaratildi.
Tahririyat maktabgacha va kichik maktab yoshidagi bolalar uchun „Я учусь считать“ (Men sanashni o‘rganaman) N. Bikbayeva, bo‘yash va chizish kitoblari (alifbo, husnixat, ayirish, qo‘shish), „Для самых маленьких“ (Kichkintoylar uchun) bo‘yash va chizish kitobi, „Учимся рисовать“ (Chizishni o‘rganamiz), „Сделай сам“ (O‘zing bajar), „Про кота Ваську“ (Mushuk Vaska haqida), I. Krilovning rassom V. Pronin tomonidan bezatilgan „Басни“ (Masallar) kitobi, „Внеклассное чтение“ (Sinfdan tashqari o‘qish) 1–4- sinflar kitoblari seriyasi, A. S. Pushkin ertaklari, rus xalq ertaklari to‘plami, „Тысяча и одной ночи“ (Ming bir kecha) ertaklari kabi qator kitoblarni tayyorlab, nashr qildi.
Ayni paytda tahririyat tomonidan adabiyot bo‘yicha abiturientlar uchun ma’lumotnoma, „Axal-Teke otlari“ badiiy albomi, „Через закаливания – к здоровью“ (Chiniqishdan – salomatlikka tomon) O. I. Kalyujnova va h.k. kitoblar nashrga tayyorlanmoqda.

Musahhihlar bo‘limi

Musahhihlar bo‘limi quyidagilar bilan shug‘ullanadi:
- muharrir tahrir qilgan qo‘lyozmalar matnidagi turli xil elementlarning leksik jihatdan bir xilligini ta’minlash, orfografik va punktuatsion xatolarni yo‘qotish, shuningdek, ma’no va stilistik xarakterdagi kamchiliklarni tuzatish uchun ularni o‘qib chiqadi. Qo‘lyozmada uchraydigan atamalar, ayrim so‘zlar, qisqartmalar va h.k. ning bir xil bo‘lishini ta’minlaydi;
- qo‘lyozmada matnning bo‘g‘inlarga noto‘g‘ri bo‘linganligini bartaraf etadi, atamalar, ayrim so‘zlar, qisqartmalar va h.k. ning bir xil bo‘lishini ta’minlaydi. Nashrdagi jadval, izoh, formulalarning to‘g‘ri to‘ldirilganligini, nashr haqidagi ma’lumotlarning to‘g‘ri yoritilganligini, adabiyotlar ro‘yxatining to‘laqonli ekanligini va olingan sitatalarning ko‘rsatilgan manbalarga mosligini va raqamli ma’lumotlarning to‘g‘riligini tekshiradi;
- korrektura ottisklari, grankalar, sahifalangan matnlar, shuningdek, original-maketlarni o‘qishda terilgan matnning originalga mosligini tekshiradi. Korrekturalardagi tuzatishlarni poligrafiya ishlab chiqarishining umumiy qoidalari va texnik muharrir ko‘rsatmalariga muvofiq ravishda, GOST bo‘yicha korrektura belgilari bilan bajaradi; - terilgan, chizilgan muqovalar, muqova jildlari, titul varaqlari va h.k. ga tuzatishlar kiritadi;
- oxirgi korrekturani va signal nusxani o‘qishda kitobning bosib chiqarilishiga oid ma’lumotlarini tekshiradi.

Rassomlar bo‘limi

Rassomlar bo‘limi quyidagilar bilan shug‘ullanadi:
- nashrlarning badiiy bezalishi, tuzilishi va badiiy tahriri bilan shug‘ullanadi, bezashning yuqori badiiy-professional darajasini, uning mazmuni va maqsadining bir-biriga mosligini ta’minlaydi;
- rassomlarga badiiy bezak, maket va illustratsiyalar, grafik-rasmlarga buyurtma beradi, rassomlardan ular tayyorlagan ishni qabul qilib oladi, badiiy bezak va asar asosiy g‘oyasining illustratsiyalari o‘rtasidagi uyg‘unlikni nazorat qiladi;
- istiqbol va yillik rejalar bo‘yicha badiiy bezaklarga taklif va g‘oyalar tayyorlaydi, har bir nashrga badiiy bezak uchun o‘z rejalarini ishlab chiqadi;
- texnik tahririyat bilan birgalikda badiiy jihatdan bezalgan maketlarni chop etishga tayyorlaydi, chop etilgan namunaviy ottisklarni, sahifalashlarni ko‘rib, ularni baholaydi va yo‘l qo‘yilgan kamchiliklarni bartaraf qilish uchun bosmaxonaga ko‘rsatmalar beradi;
- rangli va oq-qora bosmaxona ottisklariga tuzatishlar kiritadi;
- nashriyotning illustratsiyalar jamg‘armasini yaratadi.

Kutubxona

Arxivchi-kutubxonachining xizmat vazifalariga quyidagilar kiradi:
- arxivga kelib tushadigan hujjat materiallarining saqlanishini tashkillashtirish va ta’minlash;
- korxonaning tarkibiy bo‘linmalaridan tugallangan ish yuritish hujjatlarini qabul qilib olish;
- ish nomenklaturasini ishlab chiqishda ishtirok etish, arxivga topshirishda ularnining to‘g‘ri tuzilganligi va rasmiylashtirilganligini tekshirish;
- amaldagi qoidalarga ko‘ra saqlov qismlarini shifrlash, hujjat papkalarini tizimga solish va joylashtirish, hisob olib borish;
- doimiy va vaqtinchalik saqlanadigan hujjatlarning jamlama ro‘yxatini, shuningdek, hujjat materiallarini davlat saqloviga topshirish, saqlov muddati tugagan hujjatlarni hisobdan chiqarish va yo‘q qilish uchun dalolatnomalar tuzish; arxiv nusxalari va hujjatlarini berish, arxiv hujjatlarida mavjud bo‘lgan ma’lumotlar asosida zaruriy ma’lumotnomalar tayyorlash, so‘rovnomalarga javob berish va qayd qilib borish;
- arxiv binosida yong‘inga qarshi himoya qoidalariga rioya qilinishni nazorat qilish;
- hisobni boyitish ishlarini olib borish, kutubxona fondi kitoblari va jurnallarini ro‘yxatdan o‘tkazish;
- korxona xodimlariga adabiyotlar berish, ularning o‘z vaqtida qaytarilishini nazorat qilish;
- o‘quvchi formularlari va katalog kartochkalarini to‘ldirib borish, kartotekalarni yuritish;
- obuna kampaniyalarini olib borish, abonement blanklarini to‘ldirish.

„O‘QITUVCHI“ NMIU BO'LIMLARI VA XIZMATLARI

Moddiy-texnik ta’minot bo‘limi

Moddiy-texnik ta’minot bo‘limi:
– korxonaning ishlab chiqarish faoliyati uchun uni barcha zaruriy moddiy resurslar (xomashyo, materiallar, yarimtayyor mahsulotlar, yoqilg‘i, butlovchi buyumlar, asboblar, ehtiyot qismlar, maxsus kiyimlar, xo‘jalik mollari va h.k.) bilan ta’minlashni tashkillashtiradi;
– korxonani moddiy-texnik jihatdan ta’minlash bo‘yicha ta’minotchi shartlari bilan kelishuv hamda shartnomalar tuzishda ishtirok etadi, ta’minotchilar bilan bevosita muntazam va uzoq muddatli xo‘jalik aloqalarini kuchaytirish bo‘yicha choralar ko‘radi;
– zaruriy materiallar va sotib olinadigan yarimtayyor mahsulotlarning nomenklatura va tasniflarini ishlab chiqadi. Materiallarning korxonaga o‘z vaqtida yetkazib berilishini, omborlarda qog‘ozlar, karton va muqova materiallarining saqlanishini, materiallar sifati saqlanishini kafolatlovchi shart-sharoitlar bilan ta’minlashni tashkillashtiradi;
– qog‘oz, karton va muqova materiallari sarfi me’yorlariga amal qilish ustidan nazorat o‘rnatadi;
– qog‘oz chiqindilari va rangli metallarni topshirish hamda sotishni tashkillashtiradi va nazorat qiladi.

Kadrlar bo‘limi

Moddiy-texnik ta’minot bo‘limi:
Kadrlar bo‘limi, shtat jadvaliga muvofiq, korxonani talab etilgan ixtisos va kasblar bo‘yicha ishchi va xizmatchi kadrlar bilan ta’minlash ishlariga boshchilik qiladi va bevosita korxona direktoriga bo‘ysunadi.
Mehnat qonunlari, korxona rahbari buyruqlariga muvofiq ishchilarni ishga qabul qilish, boshqa ishga o‘tkazish va ishdan bo‘shatishni o‘z vaqtida rasmiylashtirish, shaxsiy tarkibni hisobga olish, korxona ishchilarining hozirgi va oldingi mehnat faoliyati to‘g‘risida ma’lumotnoma berish, mehnat daftarchalarini saqlash va to‘ldirib borish, kadrlar bo‘yicha o‘rnatilgan hujjatlarni yuritish, shuningdek, ishchi va xizmatchilarni rag‘batlantirish hamda mukofotlashga taqdim etish uchun materiallar tayyorlashni tashkillashtiradi.
Kadrlar bo‘limi ishchisi vazifalariga quyidagilar kiradi:
– kadrlarni lavozimlarga tayinlash, yuqori lavozimga rezerv yaratish maqsadida korxona mutaxassislarining ish sifatlarini o‘rganish;
– korxona ishchilari, ularning oilalariga nafaqa tayinlash uchun zaruriy hujjatlar tayyorlash, shuningdek, ularni ijtimoiy ta’minot organlariga taqdim qilishni ta’minlash;
– bo‘linma rahbarlari tomonidan kadrlar bilan ishlash masalalari bo‘yicha qaror, buyruq va farmoyishlarning bajarilishini nazorat qilish, mehnat intizomi holati va ishchilar tomonidan ichki mehnat tartibi qoidalariga amal qilinishini nazorat qilish;
– ishchilar qabul qilish, ularni ishdan bo‘shatish, boshqa ishga o‘tkazish bo‘yicha buyruqlarni rasmiylashtirish.
Kadrlar bo‘limi bo‘lim boshlig‘i hamda kadrlar tayyorlash bo‘yicha inspektordan tashkil topgan.

Mehnat va ish haqi bo‘limi

Mehnatni tashkillashtirish va ish haqi bo‘limi korxonaning mustaqil tarkibiy bo‘linmasi bo‘lib, iqtisodiy masalalar bo‘yicha direktor muoviniga bevosita bo‘ysunadi.
Mehnatni tashkillashtirish va ish haqi bo‘limi vazifalariga quyidagilar kiradi:
– amaldagi qonunlar hamda korxonaning jamoa shartnomasiga muvofiq mehnatni to‘g‘ri tashkillashtirish;
– ishchilarga bajarilgan ishlar haqidagi ma’lumotnomaga ko‘ra, tasdiqlangan me’yorlar asosida ish haqi yozish, ishlab chiqarish me’yorlari bajarilishining foizlarini o‘rganish va bu ko‘rsatkichni barqarorlashtirish bo‘yicha zaruriy choralar ko‘rish.
Bo‘limning eng asosiy vazifalaridan biri progressiv, texnik nuqtayi nazardan asoslangan mehnat sarfi me’yorlarini ishlab chiqish va joriy qilish, shuningdek, ish haqi fondi sarfini tahlil va nazorat qilish hamdir.
Bo‘lim bo‘lim rahbari va forma tayyorlash, bosma, broshura-muqovalash sexlari me’yorlovchilaridan tashkil topgan.

Rejalashtirish bo‘limi

Narx belgilash va iqtisodiy tahlil bo‘limining asosiy vazifasi korxonaning rejali ishini tashkillashtirish, shuningdek, ishlab chiqarish rejalarining bajarilishini osonlashtiradigan chora-tadbirlar ishlab chiqish, pul mablag‘lari hamda moddiy resurslarni tejash, korxonada xo‘jalik hisobini mustahkamlashdir.
„O‘qituvchi“ NMIU ning narx belgilash va iqtisodiy tahlil bo‘limida to‘rt nafar xodim ishlaydi: bo‘lim boshlig‘i, katta iqtisodchi, mehnat bo‘yicha iqtisodchi, iqtisodchi-kalkulator.
Ularning majburiyatlariga reja bajarilishining yillik ma’lumotini tuzish, kitob shaklidagi mahsulotlarni pul birligida yozib chiqish, bir oyda ishlab chiqariladigan mahsulotlarni natura ko‘rsatkichlarida hisoblab chiqish, kunlik ko‘rsatkichlar asosida sexlar bo‘yicha asbob-uskunalar ishining oylik, choraklik va umuman olganda, yillik hisobini, limit va talablar asosida sexlar bo‘yicha asosiy va yordamchi materiallarning sarf qilinish hisobini yuritish kiradi.
Bo‘lim, shu jumladan, iqtisodiy holat uchun ham javobgar, kalkulatsiya uchun har bir buyurtmaning bosmaxona va tahririyat xarajatlarini (muallif qalam haqlarini inobatga olgan holda) hisoblab chiqadi, buyurtmalarga shartnomalar tuzishda ishtirok etadi, ishlatilgan materiallar sarfi hisobini yuritadi, nashrlar hajmini hisoblab chiqadi, dastlabki kalkulatsiyalar tuzadi, buyurtmalar bo‘yicha foyda hamda zararlarni aniqlaydi, „O‘qituvchi“ NMIU tarkibiy bo‘linmalarida asosiy texnik-iqtisodiy ko‘rsatkichlarning bajarilishini tahlil qiladi.

Hisobxona

Buxgalteriya hisobining to‘g‘ri yuritilishi va ishonchliligini ta’minlaydi, davlat mulkining butligi, pul mablag‘lari va moddiy boyliklarining sarflanishini nazorat qiladi, mablag‘larning juda ham tejab sarflanishini va xo‘jalik hisobini amalga oshiradi.
Hisobxonaning vazifalari quyidagilardan iborat:
1) buxgalteriya hisobini to‘g‘ri va oqilona tashkillashtirish;
2) ishlab chiqarish xarajatlarini aniq va o‘z vaqtida hisobga olish;
3) ishlab chiqarish xarajatlarini to‘g‘ri hisobga olish;
4) davlat mulki butligini jiddiy nazorat qilish;
5) mablag‘larning juda ham tejab sarflanishini amalga oshirish.
Bo‘lim to‘liq kompyuterlashtirilgan, barcha personal kompyuterlar yagona tarmoqqa ulangan, birlamchi hujjatlar va keyingi ma’lumotlar to‘plami ustida ishlash uchun dasturlar o‘rnatilgan.
Ta’minotchilar hamda xizmat ko‘rsatuvchi banklar bilan o‘zaro hisoblashishni tezlashtirish uchun „Bank-Mijoz“ tizimi yo‘lga qo‘yilgan.
Davlat soliq qo‘mitasi bilan elektron kalit rasmiylashtirilgan bo‘lib, hozirgi kunda moliyaviy va soliq hisobotlari elektron pochta orqali jo‘natiladi.
Ish haqining bir qismini plastik kartochkaga o‘tkazish haqidagi farmoyishni bajarish maqsadida korxonaning barcha ishchi-xodimlari mikroprotsessorli plastik kartochkalar bilan ta’minlangan va mablag‘larni ishchi-xodimlarga tezkor usulda o‘tkazish uchun terminal o‘rnatilgan.

"O‘qituvchi" nashriyot-matbaa ijodiy uyi ("O‘qituvchi" NMIU) umumta`lim maktablari, oliy o`quv yurtlari, akademik litsey va kasb-hunar kollejlari uchun original, tarjima darsliklar, o`quv qo`llanmalar, shuningdek, o`qituvchilar uchun metodik qo`llanmalar nashr etadi. Buyurtma

Batafsil ma`lumot

„O‘qituvchi“ NMIU ishlash chiqarish bo'limlari

Yangiliklarni o‘qishni tavsiya etamiz

“Asrlar sadosi” yangrayveradi

      Qadimiy va navqiron Xiva shahrida 8-9 may kunlari “O‘zbekiston madaniyati va san’ati forumi” jamg‘armasi tashabbusi bilan tashkil etilgan “Asrlar sadosi – 2010” festivali bo‘lib o‘tdi.

Mashhur yangiliklar

Войти / Регистрация
Закладки
Корзина покупок
Оформление заказа
Интернет-магазин книги в Ташкенте